Plantun de Prouvènço

Pèr coumpara dos planto d'encò nostre

Dianthus armeria & Myosotis laxa

Dianthus armeria

Caryophyllaceae

Noms en français : Oeillet arméria, Oeillet velu.

Descripcioun :
La girouflado-à-bouquet, qu'èi coumuno soulamen dins la Prouvènço séusouso, trachis sus li tepiero un pau umido e li sablas. La planto èi pelouso, ramificado en aut e acabado pèr uno enflourejado de 2 à 8 flour. Aquéli se recounèisson eisa emé si petalo roso à poupro, tacado de blanc e descoupado. Li bratèio pounchudo soun mai longo que li sepalo.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Pichoto planto lignouso
Taio : 10 à 50 cm
Fueio : óupousado
Tipe bioulougico : Emicriptoufite
Cicle bioulougico : Renadivo mounoucarpico

Gènre : Dianthus
Famiho : Caryophyllaceae

Ordre : Caryophyllales

Coulour de la flour : Roso
Petalo : 5
Ø (o loungour) flour : 1,5 à 2 cm
Flourido : Printèms - Estiéu

Sòu : Si
Autour basso e auto : Pancaro entresigna
Aparado : Noun
Jun à avoust

Liò : Tepiero umido - Sablo - Terraire safrous
Estànci : Termoumediterran à Coulinen
Couroulougi : Éurosiberiano
Ref. sc. : Dianthus armeria L., 1753

Te-vese-e-t'ame(-fourro-bourro)

Myosotis laxa

Boraginaceae

Àutri noum : Ti-viéu-e-t'aìmi, Uei-de-l'enfant-Jèsu.

Nom en français : Myosotis gazonnant.

Descripcioun :
Aquéu te-vese-e-t'ame, pulèu rare, trachis en ribo de ribiero, dins li prado umido e li roubino de palun. Emé si péu contro li sepalo se destrìo dis aùtri Myosotis di flour pas trop grosso. Tambèn, i'a ges de bratèio dins l'enflourejado e lou "calice" crèis proun après la flourido.

Usanço :
Li flour podon se bouta dins lou mesclun. Se dis que li te-vese-e-t'ame soun vertuous contro l'enflamacioun, majamen pèr lis iue ("principe di signaturo").